略談煲藥

1)落幾多水

答：落幾多水最終控制你煲幾耐，所以係按你想煲幾耐黎計落幾多水。要對一般家用煮食爐有少少理解先。

你張方係7碗水煲成3碗的話，水量唔係高過藥面約一節手指，很可能是高過藥面一個拳頭。

又講，如果d野係浮水的，你都好難叫人度點樣為之高過藥面1cm，知唔知咩叫底面積乘高?我的1cm等於500ml，人地1cm 等於250ml。

2)煲藥用咩火

答：咩爐都好，先煲滾，再校到見到佢「keep住最細地滾而唔係滾下停下」，但如果你的湯有大量皂苷成分，如柴胡120克，你不能大火猛滾，因滾起時會起大量泡，溢出煎藥容器，浪費成分，這時，宜一直觀察，用中小火慢煲至「keep住最細地滾，唔係滾下停下」才走開做其他野。

3)煲幾耐?

答：知唔知咩叫功率?你首先要研究到你個爐用一個「keep住最細地滾而唔係滾下停下」的火，煲走一碗水幾耐，如果你個煲每15分鐘煲走一碗水，咁張方寫七碗煲至四碗，則其完成時間不應超45分鐘。而藥材也會吸水，所以會比45分鐘更少(80-90% of 45min)。按此計，每1/3時間看一次火及水份，以及預備有機會提早完成。

至於後下，就一就大約時間，就開始拎手機計時落藥煲。

4)容器

答：知不知specific heat capacity同chemically inert?耐熱容器(如瓦煲)，不銹鋼勉為其難，鐵器不能。

至於電子瓦煲如何煲?按上述道理研究。

p.s：家居常用飯碗，約200-250ml甚至300ml也有可能，我用果個，7碗水加埋藥材就約3L，你計一計。自己煲得草藥食，不太可能買不起一個量杯。

問：你上個煲藥post，講到煲個藥咁「澩嫪」，又要度時間又功率咁。係咪弄虛作假的？

答：其實係講得簡單左，lay-man左同求務實可行。

煲茶喺邊度都係艱難，連專家都可以比人問起，如果無資料在手真很難講出個道理來。

在大陸有關煲藥有些「基礎研究」，大體看600多隻常用中藥在煎煮時的物理變化，如「吸水度」及「單煎時水分蒸發比」。更在內地常用的「二煎法」上，研究頭煎及次煎的使用水份最佳比例（頭煎後藥物會吸水）。

另外在煲藥容器上，有「組方煲藥時的蒸發水量」研究中，發現使用電子瓦煲煲藥時，藥材的最終吸水量比起估算量少約30%(以早前該團隊以煲藥機自行研究所得出的報導值作估算），此差異或與煎煮器具的選用有關。

如果之後有公認的數據比人睇，唔通d中醫師每條方同你計平均藥材吸水量同平均水份蒸發量，之後發現估錯?講過㗎啦，關你屋企個煲事嘛。

P.S很可能依上述講法，能找出點解煲藥機煲出來唔夠瓦煲濃味的原因。我估在瓦煲儲存能量更多的情況下，煲藥過程中，更多在藥材中的水分被「炸出」藥材組織至湯劑外，也不是沒有可能。

林耀明中藥師 (原文撰寫於 25-12-2022）